Mkŏ mjing mơ̆ng ară anei truh jih hruê 10/11 ti Sang rang mdah hƀuê ênuk Dak Lak, klei rang mdang mâo 200 pŏk rup mơ̆ng 87 čô, dưi ruah mơ̆ng dŭm êbâo pŏk rup mơ̆ng phung mă rup hlăm lăn čar. Dŭm pŏk rup bi êdah knhuah dhar kreh phŭn, êdah êdi mơ̆ng 54 djuê ana Việt Nam, mơ̆ng hdră bhiăn djuê ana, klei mưng, klei đăo knang, knhuah hdĭp, kdrăp čŭt hơô leh anăn knăm mơak knhuah gru.

Hluê anăn, čiăng mđĭ hnơ̆ng tŭ jăk mkŏ mjing klei hdĭp dhar kreh hŏng bruă bi lar boh tŭ yuôm, mđĭ klei dưi dưn dhar kreh kơ mnuih ƀuôn sang, hlăm anăn mđing tal êlâo kơ dŭm djiê ana mâo ƀiă mnuih hĭn. Mbĭt anăn lŏ bi kluôm, bi mbŏ, mkŏ mjing hlâo rup siam kơ 54 djuê ana Việt Nam čiăng hưn mdah hlăm dŭm knăm mơak, dŭm hdră prŏng, hlăm bruă mjĕ mjuk dhar kreh, klei kdŏ mmuñ hlăm leh anăn êngao lăn čar.