Klei rang mdah hưn mdah giăm 100 hră mơar bi mklă klei dưi mơ̆ng Việt Nam hŏng 2 plao ksĭ Trường Sa leh anăn Hoàng Sa. Êdah êdi msĕ si hla kak Việt Nam ênuk mtao kiă kriê (hlăm wưng êtuh thŭn XVI - XIX), Klei čih leh anăn hră mơar ênuk Mtao Nguyễn; hla kak kđăm mkra ti êgar Yŭ (hlăm ênuk êtuh thŭn XVI - XIX), Hla kak China kyua êgar Yŭ leh anăn China kđăm mkra (hlăm ênuk êtuh thŭn XVI - XX).

Lu rup, hră mơar plao ksĭ Hoàng Sa êlâo kơ thŭn 1975, đa đa rup kơ plao ksĭ Trường Sa ară anei leh anăn dŭm bruă ngă phung khua gĭt gai Đảng, Knŭk kna lehh anăn knuă druh, kahan êa, mnuih ƀuôn sang ti plao ksĭ Trường Sa. Mơ̆ng thŭn 2019 truh ară anei, čar Dak Lak mkŏ mjing leh 8 klei rang mdah hlue si akŏ anei ti dŭm kdriêk Mdrak, Ea Kar, Ea Sup, Krông Bông, Ea Hleo, Čư̆ Kuiñ, Krông Ƀuk leh anăn wăl krah Ƀuôn Hồ.