Knăm mphŭn pŏk dưi mkŏ mjing hŏng klei hgŭm mơ̆ng êbeh 100 čô mbruă, mdah klei kdŏ mmuñ, tông čing kkuh drông phung tuê. Mbĭt hŏng êpul tông čing jing êpul kdŏ čhuang jiă knhuah dhar kreh djuê ana Jarai lehanăn Bahnar.

Ti knăm anei, Anôk mkŏ mjing lŏ rang čhĭ lu mta mnơ̆ng bi hdơr, mnơ̆ng jăk alŭ wăl, mnơ̆ng lŏ hma êdah êdi msĕ si kphê, tiu, mtei, kpiê čeh, êbŭng krô, kan êa krông Sê San, dŭm mta mnơ̆ng mphŭn čô̆ kơ bruă mơ̆ng phung êdam êra, phung mniê, mnơ̆ng mơ̆ng dŭm êpul hgŭm bruă lŏ hma ti kdriêk Čư̆ Pah. Hruê mơak Mnga phĭ – Čư̆ pui Čư̆ Dang Ya thŭn 2024 srăng mkŏ mjing truh kơ jih hruê 10/11. Mbĭt hŏng bruă tui ksiêm klei siam mơ̆ng Čư̆ Pui lehanăn mnga phĭ, phung tuê lŏ dưi nao dlăng phung mbruă mñam bŭng, pơ̆k mñam mnơ̆ng, hlăp klei hlăp lêñ djuê ana ti knăm anei msĕ si: Trŭt hlâo, ktŭng klei, kdăt klŭng, đĭ čư̆…/.