Anei jing gưl čiăng kơ Phung khua gĭt gai APEC bi tuôm, bi trông hŏng phung bi ala gưl dlông mơ̆ng dŭm êbâo anôk bruă duh mkra mrô sa Asi - Pacific kơ dŭm hdră đĭ kyar mrâo, klei găl leh anăn klei lông dlăng kčah hŏng krĭng wăl leh anăn klei mĭn, hdră msir êdah êdi kơ klei bi hgŭm leh anăn đĭ kyar.

Blŭ hrăm hlăm klei bi kƀĭn, Khua lăn čar Lương Cường mñă klă êpul êya anôk bruă duh mkra dưi đru mguôp tŭ dưn hlăm dŭm mta bruă, anăn jing klei ba anăp mlih mrâo gru hmô mnia blei, mkra mjing hlue hdră mtah, mlih mrô… mđĭ bi liê kơ bruă ksiêm hriăm leh anăn mđĭ kyar, mđĭ ba yua dŭm kdrăp mrô êdah êdi čiăng duah hdră msir kơ bruă mjêč dlông rŏng lăn. Khua lăn čar Lương Cường bi mklă Việt Nam gĭr hlue ngă klei bhiăn, klei mĭn sa anăn kơ klei êngiê, čŏng ngă, kjăp, lu tĭng, lu jơr, kyua klei êđăp ênang, bi hgŭm leh anăn đĭ kyar.