Anei jing klei gĭt gai mơ̆ng Kơiăng khua knŭk kna Trương Hòa Bình ti Klei bi kƀĭn tĭng dlăng boh tŭ Hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng wưng thŭn 2021 -2025 lehanăn ba mdah hdră bruă wưng thŭn 2026 – 2030, krĭng kwar Krah – Lăn dap kngư, ti Gia Lai.

Blŭ klah čŭn ti knăm anei, Kơiăng khua knŭk kna Trương Hòa Bình  lač klă, kñăm mtrŭt mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng ti krĭng kwar Krah – Lăn dap kngư, hlăm wưng II (2026 – 2030), Anôk gĭt gai hdră kñăm anei srăng ba mdah mta čuăn klă klơ̆ng kơ wưng hluê ngă kñăm mkra mđĭ klei hdĭp mnuih djue ƀiă. Gĭt mđĭ hnư hrui wĭt bi knar hŏng hnơ̆ng kah knar kluôm ala, bi hrŏ ênoh gŏ êsei ƀun ti gŭ 10%, amâo dôk să, alŭ dleh dlan, 70% să djăp hnơ̆ng čuăn krĭng ƀuôn sang mrâo./.