Êpul hgŭm anôk bruă duh mkra Mi – APEC jing sa êpul mrâo dưi kriê dlăng mơ̆ng Êpul hgŭm anôk bruă tuh tia mkra mjing mâo anôk bruă ti Mi lehanăn nao hgŭm leh lu thŭn hlăm APEC. Bi ala anôk bruă duh mkra Mi dôk ngă lu bruă mdê mdê lehanăn mâo lu hdră dôk duh bi liê ti Việt Nam.

Khua lăn čar bi mni kơ hdră bi hgŭm plah wah Việt Nam – Mi amâo mdei pŏk mlar lehanăn đĭ kyar leh giăm 30 thŭn lŏ bi jăk klei bi mjĕ lehanăn êbeh 1 thŭn mkra mđĭ jing Ƀĭng hgŭm phŭn kluôm dhuôm. Khua lăn čar mñă, Việt Nam amâo mdei mkra mlih wăl anôk duh bi liê, mnia mblei hluê hdră klă mngač, hơĭt kjăp, djŏ guôp hŏng klei bhiăn tar rŏng lăn čiăng jak iêu hdră duh bi liê. Hlăk hdră duh mkra tar rŏng lăn dôk bi mlih lu, Khua lăn čar Việt Nam čang hmăng bi hgŭm kjăp hĭn hŏng anôk bruă duh mkra Mi lehanăn krĭng APEC hlăm hdră kdrăp mrâo lehanăn bruă mlih mrâo, bruă pui kmlă doh lehanăn mđĭ kyar mtah./.