Hruê 15/11, Bruă Đảng čar Dak Nông mkŏ mjing Klei bi kƀĭn hưn mdah 6 hdră mtrŭn mơ̆ng Anôk dlăng bruă Đảng čar kơ bruă knuă druh. Hlue anăn, Anôk dlăng bruă Đảng čar Dak Nông bi mklă brei Hà Thị Hạnh - Khua Anôk bruă čung ba mnuih ƀuôn sang čar, Khua Knơ̆ng bruă mặt trận čar kwar Việt Nam čar mdei ngă Khua Anôk bruă čung ba mnuih ƀuôn sang čar, yap mơ̆ng hruê 20/11/2024.

Lê Văn Chiến, K’iăng Khua Knơ̆ng bruă sang čư̆ êa čar dưi ba nao ngă Khua Anôk bruă čung ba mnuih ƀuôn sang čar Dak Nông. Ăt hlăm klei bi kƀĭn, Bruă Đảng čar Dak Nông hưn mdah leh hdră mtrŭn kơ bruă jao kơ Nguyễn Văn Thanh - K’iăng Khua Anôk bruă čung ba mnuih ƀuôns ang čar hlăm Anôk bruă gĭt gai, ngă K’iăng Khua dlăng bruă Đảng kdriêk Dak Song, wưng 2020 - 2025. Jao kơ Lê Ngọc Quang, Khua Knơ̆ng bruă Dhar kreh mjuăt asei mlei hiu čhưn ênguê Dak Nông ngă K’iăng Khua Anôk bruă hâo hưn mtô mblang bruă Đảng čar mơ̆ng hruê 20/11/2024. Jao kơ Phạm Đức Lộc, K’iăng Khua bruă Đảng kdriêk Dak Song ngă K’iăng Khua Anôk bruă čung ba mnuih ƀuôn sang čar yap mơ̆ng hruê 20/11/2024. Hdră mtrŭn bi kdung wưng ngă K’iăng Khua Anôk bruă čung ba mnuih ƀuôn sang čar hŏng Lê Sỹ Tuân yap mơ̆ng hruê 23/10/2024 tơl truh jih thŭn mă bruă.