Knơ̆ng kdơ̆ng êa Ia Ring ti să Ia Tiêm, kdriêk Čư̆ Sê, čar Gia Lai jhat, ngă kơ êa đoh nao phă krĭng nah tluôn. Anôk mčah anei prŏng hlăm brô 10m2 ti nah dlông giăm anôk pŏk phai êa. Êa mơ̆ng knơ̆ng kdơ̆ng êa anei ngă lip jih kdrăn mdiê lŏ mơ̆ng mnuih ƀuôn sang mprăp hrui êmiêt. Êpul djŏ tuôm pral nao msir mghaih klei anei.

Anôk bruă sang cư̆ êa čar Gia Lai mâo hră hră mơar gĭt gai mjêč hdră mbĕ mnuih ƀuôn sang đuê̆ mơ̆ng krĭng huĭ hyưt. Boh nik, mđing pŏk ngă dŭm hdră msir rơ̆ng klei êđăp ênang kơ mnuih ƀuôn sang hlăm boh klei mjêč. Mbĭt anăn, mkŏ mjing hdră kpĭ dŭm êpul, mnuih amâo hluê ngă klei gĭt gai, klei ktrâo lač brei mbĕ đuê̆ kyua mta kñăm rơ̆ng klei êđăp ênang kơ mnuih ƀuôn sang./.