Ti anôk bruă, bi ala kơ Anôk bruă mkŏ mjing bruă Đảng čar Gia Lai hưn mdah dŭm Hdră mtrŭn mơ̆ng Anôk dlăng bruă Đảng čar Gia Lai, mâo: Tiŏ nao Nguyễn Trường Sơn-  K’iăng Khua dlăng bruă Đảng wăl krah, Khua Knơ̆ng bruă sang čư̆ êa wăl krah Ayun Pa mă bruă hlăm Knơ̆ng bruă êlan klông dŭ mdiăng.

Trần Anh Tuấn- K’iăng Khua Knơ̆ng bruă kreh knhâo leh anăn kdrăp mrâo Gia Lai nao ngă bruă hlăm Anôk dlăng bruă Đảng, Anôk bruă Đảng wăl krah Ayun Pa, ngă K’iăng  Khua dlăng bruă Đảng wăl krah wưng 2020-2025; Bruă Đảng čar Gia Lai hưn mdah Trần Anh Tuấn  kơ Êpul gơ̆ng bruă ƀuôn sang wăl krah Ayun Pa ruah ngă Khua Knơ̆ng bruă sang čư̆ êa wăl krah wưng 2021-2026. Phan Hồ Giang, K’iăng Khua bruă Đảng êpul êdam êra čar, nao mă bruă hlăm Knơ̆ng bruă kreh knhâo leh anăn Kdrăp mrâo. Blŭ hrăm hlăm mmông mă bruă, Rah Lan Chung, K’iăng Khua dlăng bruă Đảng čar Gia Lai mtă kơ phung knuă druh dưi ruah mdưm, ngă bruă mrâo brei mđĭ lar ai tiê đua klam, ngă bruă jăk, mđĭ lar klei thâo čiăng bi leh jăk bruă klam.