Hlăm mmông mă bruă, Khua dlăng bruă Đảng ƀuôn prŏng Hải Phòng Lê Tiến Châu bi mklă, mnuih ƀuôn sang Việt Nam hdơr knga kơ klei khăp, klei đru prŏng prĭn mơ̆ng mnuih ƀuôn sang Bulgaria hlăm klei bi blah mtlaih êngiê djuê ana, mkŏ mjing lăn čar. Khua mil čhil Bulgaria Rumen Radev bi mklă, Bulgaria mpŭ nanao kơ klei bi hgŭm mơ̆ng đưm jăk siam plah wah dua ala čar.

Khua mil čhil Rumen Radev čang hmăng Hải Phòng bi trông klei thâo đĭ kyar hlăm bruă mâo leh mơ̆ng sui leh anăn mrâo mrang; klei thâo mơ̆ng buôn prŏng hlăm bruă iêô jak klei bi liê, msir mgaih klei djŏ tuôm tơdah đĭ kyar pral ƀiădah ăt mđĭ lar ênoh yuôm djuê ana. Khua mil čhil Rumen Radev čiăng kơ 2 tĭng srăng mâo klei bi hgŭm klă klơ̆ng hlăm dŭm bruă bi mđing, đru mđĭ klei bi hgŭm mơ̆ng đưm leh anăn bi hgŭm plah wah dua ala čar Việt Nam - Bulgaria êlam hĭn leh anăn tŭ dưn hĭn.