Hlue si Knơ̆ng bruă lŏ hma leh anăn mđĭ kyar krĭng ƀuôn sang Dak Lak, thŭn anei klei ŭn ruă tian eh ti čar mâo dleh ktuê dlăng. Truh krah mlan 11, klei ruă tưp mâo leh ti 233 gŏ êsei, 1200 alŭ, 43 să ti 10 kdriêk, ngă djiê leh anăn ba dơr êbeh 2.700 drei hŏng ênoh giăm 140 ton.

Khua gĭt gai knơ̆ng bruă sang čư̆ êa čar Dak Lak mrâo mâo Hră mơar mtă kơ Knơ̆ng bruă sang čư̆ êa dŭm kdriêk, wăl krah, ƀuôn prŏng leh anăn knơ̆ng bruă djŏ tuôm pŏk ngă bi jăk, hrăm mbĭt dŭm hdră gang mkhư̆ klei ŭn ruă tain eh. Boh nik, Knơ̆ng bruă lŏ hma leh anăn mđĭ kyar krĭng ƀuôn sang mtă ktuê dlăng bi jăk boh klei ruă tưp, pral gĭt gai, pŏk ngă hdră msir rơ̆ng phŭn mkăp mnơ̆ng ƀơ̆ng êlâo, hlăm leh anăn êdei kơ gưl Tết Nguyên đán Ất Tỵ - 2025.