Hdră bruă dưi pŏk ngă hlăm thŭn 2025. Nguyễn Văn Thuỷ, K’iăng Khua Knơ̆ng bruă sang čư̆ êa kdriêk Kon Braih, brei thâo, krĭng wăl dliê hrông ti să Đăk Kôi mơ̆ng kdriêk mâo klei găl mđĭ kyar sâm Ngọc Linh. Bruă dưi răng mgang klei bi mklă anôk pla mjing “Ngọc Linh” kơ sâm hbei ti să Đăk Kôi srăng pŏk mlar klei găl kơ alŭ wăl hlăm bruă mđĭ kyar ana êa drao mâo ênoh bruă duh mkra yuôm anei.

Ară anei, čar Kon Tum mâo 9 să hlăm 2 kdriêk mâo Knơ̆ng bruă kriê dlăng thâo -  Phŭn bruă kreh knhâo leh anăn kdrăp mrâo mkăp Hră bi mklă čih anăn bi mklă anôk pla mjing mnơ̆ng dhơ̆ng sâm hbei Ngọc Linh, mâo: Mường Hoong, Ngọc Linh, să Xốp, kdriêk ĐăkGlei; Đăk Na, Măng Ri, Ngọc Lây, Ngọc Yêu, Văn Xuôi, Tê Xăng hlăm kdriêk Tu Mơ Rông.