Čar Lâm Đồng yap 350 gŏ sang rông êmô mă êa ksâo leh tlŏ mta vaccine gang mkhư̆ klei ruă bŏk gŭ klĭt Navet - LpVac mơ̆ng knơ̆ng bruă Navetco. Leh lu blư̆ mâo klei bi blŭ hrăm, truh ară anei hlăm ênoh 330 gŏ sang hŏng 7.186 drei êmô ruă, lehanăn 511 drei êmô djiê, mâo leh klei bi tŭ ư êdu čiu hnô mơ̆ng knơ̆ng bruă Navetco hŏng ênoh prăk jih jang jing 35 êklai 500 êklăk prăk.

Ară anei knơ̆ng bruă Navetco mâo bi liê leh gưl tal êlâo giăm 18 êklai prăk, ênoh lŏ tla kơ gưl dua hlăm hrue 28/11 tinăp.Tui si Nguyễn Hà Lộc, k'iăng khua knơ̆ng bruă lŏ hma čar Lâm Đồng, ară anei adôk 20 gŏ sang ka ư ôh hŏng ênoh ba kđi anăn. Čar lŏ dơ̆ng mtrŭt knơ̆ng bruă Navetco mâo klei bi blŭ hrăm, truh kơ sa klei bi tŭ ư knhal tuič hŏng ênoh djŏ guôp ba wĭt klei tŭ dưn kơ mnuih rông êmô./.