Čar Dak Lak ară anei mâo êbeh 1.700 sang rông čĭm iăt, kƀĭn lu ti ƀuôn prŏng Ƀuôn Ama Thuôt leh anăn dŭm kdriêk Ea Kar, Ea Sup, Krông Pač. Hnơ̆ng hruh čĭm iăt ti čar mâo mơ̆ng 8-10 ton/thŭn. Dak Lak jing čar dôk mrô sa krĭng wăl Lăn Dap Kngư leh anăn dôk hlăm êpul 10 čar, ƀuôn prŏng mâo ênoh sang rông čĭm iăt prŏng hĭn kluôm ala.

Ară anei, kluôm čar mâo 15 mta mnơ̆ng mkra mjing mơ̆ng hruh čĭm iăt dưi lač jing mnơ̆ng dhơ̆ng OCOP 3 mtŭ, 8 mnơ̆ng dhơ̆ng OCOP 4 mtŭ. Dak Lak mâo leh hruh čĭm iăt tal êlâo ba čhĭ hlue si hră kuôl kă ba čhĭ ti China leh anăn ba chĭ kơ dŭm ala čar msĕ si Mi, Australia, Japon… Êngao kơ boh tŭ mâo leh, bruă rông čĭm iăt ti čar Dak Lak dôk tuôm hŏng lu klei dleh dlan leh anăn lông dlăng kơ hdră tă čuăl mkă krĭng rông phŭn, mkra mjing leh anăn ba čhĭ mnơ̆ng dhơ̆ng, kriê dlăng hnơ̆ng jăk leh anăn mkŏ mjing anăn knăl.