Bruă sang čư̆ êa čar Dak Lak mñă kơ knơ̆ng prăk knŭk kna Việt Nam anôk bruă ti Dak Lak hnưm ngă klei mtô, gĭt gai dŭm knơ̆ng bruă, êpul bruă ngăn prăk hlăm laŭ wăl mđing tal êlâo kơ êpul êya, grăp čô hlăm bruă mkra mjing, hrui blei leh anăn mnia mblei kphê hlăm wưng pla mjing thŭn 2024 – 2025.

Truh kơ ară anei, dŭm êpul bruă ngăn prăk hlăm čar mkăp leh êbeh 8.700 êklai prăk, đĭ 10,3% mkă hŏng wưng êlâo. Dŭm êpul bruă ngăn prăk hlăm alŭ wăl ƀuăn srăng mkăp ênŭm klei čiăng lĭng čan mkra mjing, mnia mblei mơ̆ng dŭm knơ̆ng bruă leh anăn mnuih ƀuôn sang. Wưng hrui pĕ kphê thŭn 2024, ênoh kphê asăr ti čar Dak Lak mâo mơ̆ng 110.000 – 125.000 prăk hlăm sa kg, lu hĭn mơ̆ng 70 – 80% mkă hŏng hnơ̆ng kah knar mơ̆ng thŭn dih, ngă truh klei kpĭ kơ ênoh prăk hŏng knơ̆ng bruă hrui blei, mkra mjing, mnia mblei.