220 hec-ta ana boh kroh mâo pla mjing djăp hŏng ênoh čuăn VietGAP ti Lăn Dap Kngư
Thứ sáu, 08:29, 13/12/2024
VOV TAYNGUYEN
VOV TAYNGUYEN
VOV4.Êđê-Anôk bruă mtô bi hriăm bruă lŏ hma – mjeh mjiêng mnơ̆ng pla mjing mnơ̆ng rông, bruă rông hdang kan čar Daklak mkŏ mjing leh klei bi kƀĭn ksiêm wĭt jih jang hdră êlan “Mkŏ mjing hdră bi hmô pla mjing boh kroh hlue ênoh čuăn VietGAP, pŏk phai krĭng pla mjing doh hlăm lăn dap kngư wưng thŭn 2022 - 2024”.
Anei jing hdră êlan mtrŭt mjhar bruă lŏ hma mơ̆ng gưl dlông wưng thŭn 2022 – 2024, ngă leh bruă pla mjing ana boh kruĕ hruĕ, boh durian, boh ƀơr, boh kneh djăp ênoh čuăn VietGAP, hŏng boh prŏng 220 hec-ta ti 3 čar daklak, Dak Nông, Gia Lai.
Ti Anôk bi kƀĭn, phung bi ala bi lač, mơ̆ng boh tŭ dưn bruă kiă kriê lŏ hma, bruă sang čư̆ êa alŭ wăl, ba bruă anei hlăm hdră kiă kriê kjăp, mă bruă bi djăp ênoh čuăn VietGAP čiăng bi hrŏ djăp mta bruă amâo mâo jăk, snăn brei mâo klei mjuăt bi hriăm, thâo klă kơ hdră êlan mă bruă, hlăm klei doh êđăp ênang, thâo klă phŭn agha, lehanăn mâo klei bi mguôp kjăp hlăm bruă hrui blei boh mnga ti alŭ wăl./.
Viết bình luận