Boh tŭ anei đru bi mklă kơhưm lehanăn boh tŭ yuôm kphê Robusta jăk mơ̆ng Việt Nam. Klei bi lông “Cup Odjeta Swan 2024" jing hdră ruah kphê Robusta jăk tal êlâo hlăm tar rŏng lăn.

Hluê si Trịnh Đức Minh, Khua kiă kriê Êpul hgŭm Kphê Ƀuôn Ama Thuôt, klei bi lông Cup Odjeta Swan 2024 mjing leh sa tač hlăp mtăp mđơr, klă mngač čiăng bi mni kơ kphê Robusta tŭ jăk hĭn. Klei tŭ jing mơ̆ng dŭm anôk bruă duh mkra amâo djŏ knŏng jing klei ktưn hưn mơ̆ng hjăn anăn knăl anăn ƀiădah lŏ bi mklă kơ hnơ̆ng tŭ jăk lehanăn klei găl prŏng mơ̆ng kphê Robusta jăk mơ̆ng Việt Nam ti dŭm wăl anôk blei mnia mrâo, hlăm anăn mâo China./.