Talkshow “Kphê lehanăn bruă mă” jak iêu 12 phung ksiêm hriăm jing phung khua kiă kriê dŭm anôk bruă, êpul hgŭm, anôk bruă duh mkra mnia mblei, ba čhĭ kphê kơ ala tač êngao hlăm ala čar lehanăn tar rŏng lăn, phung mă bruă đeh kwă kphê, mbĭt hŏng phung mda asei ba anăp hlăm bruă mlih mrâo anôk bruă kphê Việt Nam nao hgŭm.

Diñu hrăm mbĭt kah mbha kơ: Hdră êlan mđĭ kyar kphê jăk mguôp hŏng wăl anôk mnăm kphê “Ƀuôn Ama Thuôt – anôk truh mơ̆ng kphê tar rŏng lăn”, “Ktuê êlan mkra mđĭ lehanăn mđĭ kyar kphê jăk mơ̆ng bruă pla truh kơ mkra lehanăn ba čhĭ kơ ala tač êngao”, Kphê jăk – Bi mguôp phung mda asei lehanăn klei êdei anăp yuôm bhăn kơ kphê Việt Nam. Hdră Talkshow “Kphê lehanăn bruă mă” amâo djŏ jing wưng phung khăp kơ kphê tui ksiêm lehanăn bi trông klei thâo ƀiădah lŏ jing tur knơ̆ng bi mguôp êpul êya kphê, mtrŭt mđĭ kyar anôk bruă kphê jăk Việt Nam hlăm êdei anăp./.