Lŏ mâo sa kdriêk ti Dak Lak hưn mdah anăn knăl durian êpul êya
Thứ năm, 09:38, 24/04/2025
VOV TAYNGUYEN
VOV TAYNGUYEN
VOV4.Êđê- Hruê mbruê 23/4, kdriêk Krông Ƀŭk, čar Dak Lak hưn mdah anăn knăl êpul êya “Durian Krông Bŭk”, mơ̆ng anôk bruă kiă kriê mnơ̆ng dhơ̆ng ( Phŭn bruă kreh knhâo leh anăn kdrăp mrâo) mkăp brei.
Hră tŭ yap rơ̆ng kơ anăn knăl êpul êya “Durian Krông Bŭk” mâo boh tŭ hlăm 10 thŭn. Anei jing tur knơ̆ng hdră bhiăn čiăng kơ kdriêk lŏ mđĭ kyar anăn knăl leh anăn mđĭ ênoh durian mơ̆ng alŭ wăl. Dak Lak bi klă 7 krĭng pla durian. Krông Ƀŭk jing anôk tal 4 mkŏ mjing anăn knăl durian êpul êya. Anăn ăt jing tur knơ̆ng tă hdră êdei anăp Dak Lak srăng mkŏ mjing anăn knăm durian Dak Lak hlăm anôk mnia mblei.
Êngao kơ Krông Ƀŭk, 3 kdriêk mkăn ti Dak Lak mâo anăn knăl durian êpul êya jing Krông Pač, Čư̆ Mgar leh anăn Krông Hnang. Hoàng Kiên Cường, khua bruă sang čư̆ êa kdriêk Krông Ƀŭk brei thâo: bruă tŭ yap anăn knăl srăng đru mguôp kơ bruă mđĭ hĭn bruă klam phung mkra mjing bi djăp ênŭm klei čiăng anôk mnia mblei.
Viết bình luận