Khua bruă Đảng să livestream čhĭ boh durian tŭ dưn, bi lar bra ai tiê mlih mrâo mơ̆ng gưl nah gŭ
Thứ hai, 14:47, 25/08/2025
Pô mblang: H’Nêč Êñuôl
Pô mblang: H’Nêč Êñuôl
VOV.Êđê - Klei livestream hưn mthâo lehanăn čhĭ boh durian mâo anăn knăl Amĭ Kâo – Boh durian amĭ kâo, ti să Êa Knuêč, čar Dak Lak mâo klei nao hgŭm mơ̆ng Khua bruă Đảng să Ngô Thị Minh Trinh mbĭt hŏng mnuih ngă lŏ hma, aguah hruê 24/8 tŭ dưn, bi lar bra ai tiê mlih mrâo mơ̆ng gưl nah gŭ.
Klei tŭ jing mơ̆ng hdră livestream amâo djŏ knŏng kbiă hriê mơ̆ng dŭm êbâo gưl dlăng, tui ksiêm hlăm online ƀiădah lŏ bi mklă hŏng 3,8 êklai prăk mơ̆ng dŭm anôk bruă duh mkra mnia mblei hrăm mbĭt đru kơ să Êa Knuêč mkŏ mkra lehanăn mđĭ kyar bruă pla boh durian hơĭt kjăp.
Anei jing boh kdrŭt yuôm bhăn đru mđĭ boh tŭ yuôm mnơ̆ng lŏ hma lehanăn bi kjăp klei đăo knang mơ̆ng mnuih ƀuôn sang hlăm klei sa ai mơ̆ng bruă knŭk kna. Amâo djŏ knŏng hưn mthâo mnơ̆ng dhơ̆ng, hdră anei mñă klă leh ai tiê jhŏng mĭn, jhŏng ngă, giăm mnuih ƀuôn sang mơ̆ng knuă druh hlăk Dak Lak ba yua gru hmô bruă knŭk kna dua gưl. Anei ăt jing klei bi êdah klă kơ klei gĭr ktưn “Mĭn sĭt, blŭ sĭt, ngă sĭt, boh tŭ sĭt, mnuih ƀuôn sang dưi dưn sĭt”./.
Viết bình luận