Mkra mjing măk ka djăp hnơ̆ng čuăn VietGAP mguôp hŏng klei bi hgŭm anôk ba čhĭ mnơ̆ng dhơ̆ng
Thứ ba, 10:22, 12/08/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV.Êđê- Aguah (11/8), ti Đà Lạt, Anôk bruă mtrŭt mjhar bruă lŏ hma ala čar bi hgŭm hŏng Knơ̆ng bruă lŏ hma leh anăn Wăl hdĭp mda čar Lâm Đồng mkŏ mjing klei bi lông “Mkra mjing măk ka djăp hnơ̆ng čuăn VietGAP mguôp hŏng klei bi hgŭm ba čhĭ mnơ̆ng dhơ̆ng”.
Kluôm ala mâo êbeh 46.000ha măk ka, lu jing pla ti krĭng Lăn Dap Kngư leh anăn Yŭ Dưr, đăo tĭng hnơ̆ng mâo hlăm thŭn 2025 mâo êbeh 20.000 ton asăr mtah. Thŭn 2024, kluôm ala ba čhĭ hlăm brô 600 ton asăr măk ka ƀiădah ăt blei 3.500 truh 4000 ton asăr măk ka ka mkra mjing čiăng pioh mkra mjing leh anăn ba čhĭ hlăm ala čar.
Lu klei êdu kƀah hlăm bruă mkra mjing leh anăn mđĭ kyar krĭng pla mjing lač hlăm klei bi kƀĭn anei. Lê Quốc Thanh, Khua Anôk bruă mtrŭt mjhar lŏ hma ala čar bi mklă, anei jing klei lông dlăng prŏng brei hnưm dưi ruh mgaih, boh nik brei mkŏ mjng hdră bi hgŭm mkra mjing leh anăn ba čhĭ mnơ̆ng dhơ̆ng măk ka.
Viết bình luận