Thŭn 2025, Gia Lai mâo hlăm brô 5.600 ha kruĕ hruê̆, mâo êbeh 210 êbâo tôn. Čar mâo leh 48 mrô krĭng pla amjing hŏng êbeh 1.150ha leh anăn 6 anôk đŭng hruh đru kơ klei mnia mblei. Ară anei kruĕ hruê̆ ăt dôk tuôm hŏng lu klei kpăk msĕ si pla mjing hliê điêt, kƀah klei bi mguôp, hnơ̆ng jăk mjeh amâo mâo mtăp mđơr, klei mnơ̆ng ngă dleh ksiêm dlăng, ênoh duh bi liê lu leh anăn klei čuăn ktang phĭt mơ̆ng Eu, Mi, Japon leh anăn China.

Ti anăp boh sĭt anei, klei kƀĭn mñă ktang klei čuăn bi kluôm klei bi mguôp, boh nik jing gru hmô “Knơ̆ng bruă - êpul hgŭm bruă - phung ngă lŏ hma, anăp truh 5 pô mâo Knŭk kna - knơ̆ng bruă - Êpul hgŭm bruă - phung ngă lŏ hma knơ̆ng prăk”. Phŭn bruă lŏ hma leh anăn wăl hdĭp mda mñă klă, klei bi mguôp jing mta phŭn čiăng mđĭ ai bi ktưn, mtrŭt mđĭ bruă lŏ hma đĭ kyar hŏng klei hơĭt kjăp hlăm êdei anăp.