Dua hdră anei mâo ênoh duh giăm 60.000 êklai prăk. Blŭ ti knăm anei, Khua knơ̆ng bruă sang čư̆ êa čar Lâm Đồng Hồ Văn Mười mñă, bruă jao klei bi mklă duh bi liê djŏ hŏng wưng bi hdơr Hruê mkŏ mjing Đảng Cộng sản Việt Nam mâo boh tŭ yuôm bhăn hlăm bruă kđi čar, bi êdah bruă klam kriê dlăng mơ̆ng Đảng hlăm hdră mđĭ kyar bruă duh mkra – ala ƀuôn, hlăm anăn mâo bruă tuh tia mnơ̆ng yuôm hlăm gŭ lăn lehanăn ksuêh mâo bruă klam yuôm bhăn.

Khua knơ̆ng bruă sang čư̆ êa čar Lâm Đồng bi mni klei pral, klei gĭr mơ̆ng TKV, mbĭt anăn mtă kơ dŭm knơ̆ng, dhar bruă, alŭ wăl bi hgŭm kjăp, bi hrŏ wưng msir mghaih klei ngă hră mơar, rơ̆ng klei čiu hnô anôk ala lehanăn mkŏ anôk dôk mrâo djŏ wưng kčah./.