Hlăm hdră anei, Binh đoàn 15 lwehanăn êpul duh mkra bruă lĭng kahan mrô 715 mđup brei leh dŭm êtuh hnư mnơ̆ng kơ phung knŭk kna dlăng ba lehanăn gŏ sang ƀun. Knơ̆ng kiă kriê kahan Binh đoàn 15 nao čuă êmuh truh hŏng grăp boh sang, mđĭ ai, hơêč hmưi Tết kơ phung khua mduôn, khua ƀuôn, jih jang mnuih mâo k’hưm, lehanăn dŭm gŏ sang knŭk kna dlăng ba, nao čuă hơêč hmưi Tết kđông kahan răng mgang knông lăn Ia O, gưl bruă Đảng, bruă sang čư̆ êa dŭm boh ƀuôn hgŭm Ia O lehanăn Ia Krái.

Thiếu tướng Hoàng Văn Sỹ – Khua knơ̆ng kiă kriê kahan mơ̆ng Binh đoàn 15 brei thâo, jih jang bruă “yan mnga knông lăn bŏ klei khăp lĭng kahan lehanăn mnuih ƀuôn sang” srăng lŏ dơ̆ng ngă. Hlăm gưl 1, Binh đoàn srăng mđup brei 30.000 hnư mnơ̆ng kơ knuă druh, mnuih mă bruă lehanăn mnuih ƀuôn sang dŭm boh ƀuôn, đru 100 tôn hbâo brŭ vi sinh kơ hdră “Klei mtah siam Trường Sa” thŭn 2026.