Hdră anei dưi ngă hlăm 6 thŭn ti dŭm čar Dak Lak, Gia Lai, Lâm Đồng leh anăn Khánh Hoà, kñăm đru kơ gru hmô mkra mjing hluê êlan bruă lŏ hma - mnơ̆ng hlăm dliê bi mguôp kjăp, mđĭ hĭn bruă răng mgang dliê hrông leh anăn mđĭ kyar dŭm mta bruă amâo mâo bi luč dliê.

Hluê si hdră kčah, hdră srăng đru bi hrŏ hlăm brô 6,68 êklăk tôn CO2, bi mlih 145.000 ha lăn dliê jing lăn bruă lŏ hma - dliê bi mguôp kjăp leh anăn răng mgang hlăm brô 500.000ha dliê mâo ênoh. Hdră RECAF mĭn tĭng ba wĭt boh tŭ dưn klă klơ̆ng kơ êbeh 420.000 čô mnuih ƀuôn sang leh anăn mkŏ mjing ai lar bra truh kơ êbeh 1 êklăk čô dưi dưn boh tŭ, đru rơ̆ng amâo mâo lui sa čô kơ tluôn hlăm klei bi mlih mtah leh anăn đĭ kyar hơĭt kjăp.