Sang bi kƀĭn ƀuôn anei dưi mrka mjing msĕ si sang krŭm Êđê. Hdră mĭn tĭn dưi bi leh leh anăn ba jao hlăm wưng tlâo mlan tal 3 thŭn 2026. Leh ba yua, sang anei srăng jing anôk mkŏ mjing dŭm bruă dhar kreh, klei bi kƀĭn, hâo hưn hdră êlan mơ̆ng Đảng, klei bhiăn lăn čar, đru mđĭ hnơ̆ng klei hdĭp ai tiê kơ mnuih ƀuôn sang, kriê pioh knhuah dhar kreh djuê ana, mbĭt anăn đru kơ bruă klam lĭng kahan, klei êđăp ênang ti nah gŭ.

Ăt hlăm hruê, kahan alŭ wăl 5 ăt mkŏ mjing knăm mphŭn rŭ mdơng sang bi kƀĭn ƀuôn ti alŭ 12, să ia Rvê, čar Dak Lak. Hdră dưi rŭ mdơ̆ng msĕ si anôk bi kƀĭn, đru mđĭ hnơ̆ng klei hdĭp dhar kreh, ai tiê kơ mnuih ƀuôn sang krĭng knông lăn. Kluôm ênoh rŭ mdơ̆ng dua sang kƀĭn ƀuôn anei jing 5 êklai prăk.