Aguah 27/1, Khua lăn čar Lương Cường mă bruă hŏng adŭ bruă Khua lăn čar kơ bruă hluê ngă bruă klam mkŏ mjing Tết Nguyên đán Bính Ngọ 2026. Leh hmư̆ klei hưn mdah leh anăn klei bi trông, Khua lăn čar tŭ ư hŏng dŭm klei hưn mdah, mbĭt anăn mñă ktang klei čuăn hyuă kjăp dŭm hdră êlan, klei gĭt gai mơ̆ng phŭn bruă kđi čar, Êpul khua bruă Đảng leh anăn klei mtô mơ̆ng dŭm anôk bruă djŏ tuôm mkŏ mjing Tết.

Khua lăn čar mñă brei mprăp jăk dŭm klei găl đru kơ mnuih ƀuôn sang mơak yan mnga, drông tết êđăp ênang, mkiêt mkriêm, mkŏ mjing ai êwa hơ̆k mơak mơ̆ng thŭn hruê akŏ thŭn 2026.

Êngao kơnăn, čiăng mkŏ mjing jăk klei čuă êmuh, hơêč hmưi tết phung knuă druh cách mạng, gŏ sang Knŭk kna dlăng ba, phung mâo ai đru, êpul lĭng kahan leh anăn dŭm anôk bruă ngă bruă klam ti krĭng taih kbưi, knông lăn, plao ksĭ, rơ̆ng kơ grăp čô dưi drông tết kluôm dhuôm, hơuh mđao.