Ti dŭm să Ia Lốp, Ia Rvê, Ea Bung lehanăn Ƀuôn Đon, Dak Lak, Êpul bruă mniê čar jao leh 24 gru hmô duh ƀơ̆ng kơ phung mniê mâo klei hdĭp dleh dlan, kñăm đru kơ dŭm gŏ sang mđĭ kyar bruă duh mkra, bi hơĭt klei hdĭp. Dŭm gru hmô mâo hdră rông ŭn dliê mjeh mrâo, êmô amâo dah kbhao, djŏ guôp hŏng klei găl rông mnơ̆ng lehanăn klei dôk čiăng mơ̆ng grăp gŏ sang.

Ênoh yuôm dŭm gru hmô duh ƀơ̆ng anei truh 260 êklăk prăk. Anei jing bruă dôk hlăm hdră “Yan mnga lĭng kahan răng mgang knông lăn – hơuh mđao ai tiê mnuih ƀuôn sang”, hŏng lu bruă mđing dlăng Têt kơ phung mniê, hđeh ƀun, gŏ sang knŭk kna dlăng ba lehanăn mnuih ƀuôn sang krĭng taih kbưi, krĭng knông lăn./.