Blŭ hrăm ti anôk bi kƀĭn, khua knŭk kna Phạm Minh Chính lač; Phŭn bruă kđi čar mtrŭn leh 9 hdră mtrŭn, kơ djăp mta bruă yuôm bhăn mơ̆ng lăn čar, bruă mdrao mgŭn, bruă sang hră mơar, klei bhiăn kiă kriê, klei duh mkra hŏng ala tač êngao, bruă pui kmlă, bruă kreh dhar. Anei jing knơ̆ng yuôm bhăn hlăm bruă kđĭ čar, pioh hlue ngă dua mta kñăm kơ 100 thŭn.

Hlue ngă hdră mtrŭn mrô 79 mơ̆ng phŭn bruă kđi čar kơ klei mđĭ kya bruă duh mkra knŭk kna , Khua knŭk kna mtă kơ jih jang phung khua êmua hlăm êpul khua kiă kriê mđing hĭn kiă kriê klei hlue ngă hdră mtrŭn mrô 79 hŏng “klei kut kat prŏng, klei gĭr jih ai tiê, mă bruă hŏng jih hnơ̆ng, lehanăn bi mngač hlăm 6 hdră” Mngač anak mnuih, mngač bruă knuă, mngač klei đĭ kyar, mngač klei dưi, mngač bruă klam lehanăn mngač boh mnga mâo” kñăm mă bruă hŏng klei tŭ dưn. Khua knŭk kna čang hmăng kơ phung bi ala mđing jih ai tiê klei mĭn, đru mđrăm mbĭt mkŏ mjing klei bhiăn kiă kriê kjăp, mâo hdră êlan mă bruă djŏ./.