Khua bruă Đảng čar Dak Lak Lương Nguyễn Minh Triết čih yap, bi mni dŭm boh tŭ dưi mâo mơ̆ng Kđông kahan răng mgang knông lăn Hòa Hiệp Nam, ƀuôn hgŭm Hoà Hiệp (ƀuôn prŏng Tuy Hoà, čar Phú Yên hđăp) hlăm hdră kriê dlăng, răng mgang krĭng knông lăn ala čar.

Hlăm wưng ti anăp, Khua bruă Đảng čar mtă kơ dŭm gưl bruă Đảng, gĭt gai Kđông kahan răng mgang knông lăn Hòa Hiệp Nam hluê ngă tŭ dưn dŭm mta kñăm Hdră mtrŭn Klei bi kƀĭn phung bi ala kluôm ala čar tal XIV mơ̆ng Đảng; lŏ dơ̆ng mđing dlăng klei hdĭp mnơ̆ng dhơ̆ng, ai tiê klei mĭn kơ knuă druh, lĭng kahan, boh nik phung kahan kbưi hŏng gŏ sang, drông Têt ti anôk bruă. Ƀri akŏ thŭn mrâo, Lương Nguyễn Minh Triết hơêč hmưi knuă druh, lĭng kahan Kđông kahan răng mgang knông lăn Hòa Hiệp Nam drông Têt djuê ana hơ̆k mơak, trei mđao, êđăp ênang, bi leh jih bruă klam mâo kčah jao./.