Blŭ hrăm hlăm klei kƀĭn, Khua Knŭk kna Phạm Minh Chính lač klă ai tiê hluê ngă prak Hdră mtrŭn klei kƀĭn prŏng tal 14 mơ̆ng Đảng, kyuanăn čiăng mkŏ mjing mta klei kƀĭn čiăng ba Hdră mtrŭn nao hlăm klei hdĭp. Khua Knŭk kna Phạm Minh Chính lač, dŭm boh tŭ dưn hlăm wưng păn bruă êgao jing boh kdrŭt yuôm bhăn kơ hdră bruă bi lông ktưn kơ wưng păn bruă anei leh anăn mñă brei kñăm kơ 9 hdră tă prŏng kơ klei bi lông ktưn msĕ si Khua gĭt gai Đảng Tô Lâm lač hlăm Klei kƀĭn prŏng bi lông ktưn kluôm ala tal 11 msĕ si: Kñăm kơ klei mlih mrâo mbruă, mđĭ kyar bruă duh mkra - ala ƀuôn, bi kjăp bruă lĭng kahan - klei êđăp ênang, dhar kreh leh anăn mkŏ mjing bruă kđi čar kjăp ktang čiăng ba lăn čar mŭt hlăm ênuk đĭ kyar mdrŏng ktang, mrâo mrang.

Hluê anăn, mñă brei mkŏ mjing hdră êlan, mbha bruă klă klơ̆ng kơ grăp anôk bruă čiăng hluê ngă dŭm hdră bi lông ktưn. Kñ mñă mkŏ mjing bruă knuă, mta knăm, bruă klam čiăng hluê ngă bruă klam bi lông ktưn mlih mrâo mbruă leh anăn bi mlih mrô.