Ngă klei mtă mtăn mơ̆ng Awa, Khua gĭt gai Đảng Tô Lâm leh anăn êpul ngă bruă lŏ dơ̆ng bi mguôp sa ai, hrăm mbĭt, ba yua jih hnơ̆ng dŭm klei găl mâo, bi lar djăp ai dưi čiăng hrăm mbĭt gĭr ngăn mta kñăm mđĭ kyar kluôm dhuôm, ktang phĭt, kdlưn hĭn, ba lăn čar mŭt hlăm ênuk đĭ kyar mrâo - ênuk kpưn đĭ mơ̆ng djuê ana Việt Nam, lar lar hluê ngă gru mngač mơ̆ng awa.

Čih hră pioh tinei, Khua gĭt gai Đảng Tô Lâm čih: Hluê ngă gru mngač awa, hmei srăng mdưm boh tŭ dưn lăn čar leh anăn mnuih ƀuôn sang jing tal êlâo hŏn, krơ̆ng kjăp klei bi mguôp, hdră bhiăn, kpă ênô, blŭ nao mbĭt hŏng ngă, jĕ giăm hŏng mnuih ƀuôn sang, mpŭ kơ mnuih ƀuôn sang, kyua mnuih ƀuôn sang. Ti anăp mnguh mngăt Awa, hmei ƀuăn lŏ dơ̆ng kjăp hŏng êlan mâo Awa leh anăn Đảng ruah leh, amâo mâo mdei klei ksiêm wĭt pô, jih ai tiê dih myơr kơ lăn čar, đru kơ mnuih ƀuôn sang, gĭr mkŏ lăn čar mdrŏng ktang, mnuih ƀuôn sang trei mđao, yâo mơak”.