Mơ̆ng anăn, phŭn bruă rŭ mdơ̆ng dôk ksiêm duah hdră êlan djăp ênŭm hŏng klei bhiăn, klei dưi duh bi liê mơ̆ng ngăn prăk knŭk kna.

Hlăm klei dôk ksiêm duah hdră êlan mă bruă čiăng mkra êlan dơ̆ng pral Pleiku – Buôn Ma Thuột – Gia Nghĩa hlăm klei hgŭm knŭk kna lehanăn êngao knŭk kna mâo mơĭt kơ êpul grŭp Đức Long Gia Lai, Phŭn bruă rŭ mdơ̆ng hưn: Anei jing bruă prŏng găn lu alŭ wăl, lehanăn mâo ba yua ngăn prăk knŭk kna. kyuanăn, phŭn bruă rŭ mdơ̆ng lač, bruă ksiêm duah hdră êlan duh bi liê ngă bi djŏ hŏng klei bhiăn. Phŭn bruă rŭ mdơ̆ng čang hmăng kơ êpul grŭp Đức Long Gia Lai mă bruă hŏng knơ̆ng bruă sang čư̆ êa dŭm boh čar Gia Lai, Daklak lehanăn Lâm Đồng čiăng dưi mă bruă bi djŏ hdră. Phŭn bruă rŭ mdơ̆ng srăng ktrâo atăt hdră mă bruă, lehanăn truh kơ klei bi tŭ ư hŏng dŭm alŭ wăl djŏ tuôm./.