Hlăm klei kƀĭn trông, Lương Nguyễn Minh Triết, Khua bruă Đảng čar Dak Lak mñă ktang, bruă mprăp kơ klei mplĕ hră ruah phung bi ala jing bruă klam kđi čar yuôm bhăn, dưi ngă hlăm wưng kluôm Đảng, jih jang mnuih ƀuôn sang hơ̆k mơak leh klei tŭ jing mơ̆ng Klei kƀĭn prŏng tal 14 mơ̆ng Đảng leh anăn mprăp drông Tết Nguyên đán Bính Ngọ 2026.

Dŭm gưl bruă Đảng, Bruă sang čư̆ êa, anôk bruă leh anăn alŭ wăl čiăng lŏ ngă jăk bruă bi lar ai tiê bruă klam, čŏng pô, nao klă hŏng hdră êlan, rơ̆ng kơ hnơ̆ng jăk leh anăn djŏ hdră bhiăn. Bruă hâo hưn kơ klei mplĕ hră dưi mđĭ hĭn đru mđĭ klei thâo săng mơ̆ng knuă druh, đảng viên leh anăn mnuih ƀuôn sang kơ klei dưi leh anăn bruă klam mnuih ƀuôn sang, mkŏ mjing ai êwa hơ̆k mơak, bi lông ktưn, mđing truh kơ hruê knăm jih jang mnuih ƀuôn sang.