Leh knăm drông, Khua lăn čar  Lương Cường lehanăn khua êpul gơ̆ng Ơrôp António Costa mâo leh klei bi trông, Khua lăn čar lač; klei mjĕ mgiăm  Việt Nam - EU hlăk mâo klei đĭ kyar jăk.

Bruă kđi čar mâo klei đăo knang kjăp. klei duh mkra mnia mblei jing boh kdrŭt phŭn kơ klei bi mguôp dua nah. Mâo klei bi hgŭm kjăp hĭn, boh nik hlăm bruă kreh knhâo, kdrăp mrâo lehanăn klei mlih mrâo hŏng klei knhêč, hlăk dôk jing kmeh gơ̆ng kơ klei bi hgŭm dua nah, jing leh hdră êlan kluôm klei hgŭm Việt Nam hŏng EU lehanăn dŭm ala čar hgŭm. Kơ kdrêč pô, khua êpul gơ̆ng Ơrôp António Costa brei thâo Việt Nam lehanăn EU jing ƀĭng hgŭm mâo sa hdră êlan mbĭt, bi mpŭ kơ klei bi hgŭm lu tĭng, nao hlăm klei hgŭm duh mkra mnia mblei êngiê, lehanăn mđĭ kyar hlue hŏng atur knơ̆ng anăn./.