Ti dŭm boh čar bruă mprăp kơ klei ruah khua mâo ngă leh pral truh hlăm alŭ wăl nah gŭ, dhar bruă klei ruah khua djăp gưl mâo mkŏ mjing djŏ hŏng mta kñăm, nao mbĭt hŏng dŭm êpul truăn klăm bruă, kơ mnuih mă bruă, kơ klei hâo hưn, bruă nah tluôn lehanăn kơ bruă răng mgang klei êđăp ênang, bruă mdrao mgŭn lehanăn mghaih msir klei bi kčŭt hưn.

Djăp alŭ wăl čŏng mkŏ mjing ƀhĭ klĭ jih jang bruă ngă, jao bruă klă mngač, djŏ kơ grăp čô mnuih, rơ̆ng kơ jih jang bruă mâo ngă djŏ hŏng klei bhiăn. Mbĭt hŏng bruă mprăp jăk jih jang hdră mă bruă, anôk mă bruă, bruă hâo hưn, boh nik hlăm hla pŏk, mâo leh djăp alŭ wăl ngă hŏng klei jăk. leh mâo lu klei duah bi hĭng amâo mâo jăk kơ klei ruah khua, bruă sang čư̆ êa lehanăn mnuih ƀuôn sang čŏng gang mkhư̆, bi kdơ̆ng mơ̆ng hnưm mtam. Amâo mâo lĕ hlăm klei kdjăt kƀla, mâo hdră răng mgang kjăp klei êđăp ênang, mkŏ mjing klei ruah khua jăk hlăm dŭm čar kwar krah lehanăn lăn dap kngư./.