Dak Lak mđing truh 75.000 ha kphê hơĭt kjăp, djŏ guôp hŏng klei bi mlih yan adiê
Thứ sáu, 08:24, 30/10/2026
VOV Tây Nguyên
VOV Tây Nguyên
VOV.Êđê- Hruê mbruê 29/10, ti Ƀuôn Ama Thuôt, Knơ̆ng bruă sang čư̆ êa čar Dak Lak leh anăn Anôk bruă bi ala Êpul bruă Stichting IDH (Belanda) ti Việt Nam siñê hră bi hdơr bi hgŭm pŏk ngă Hdră bruă kphê hơĭt kjăp mdrơ̆ng hŏng klei bi mlih yan adiê wưng thŭn 2026–2030.
Čar Dak Lak ară anei mâo giăm 220.000 ha kphê, hnơ̆ng mâo êbeh 580.000 ton grăp thŭn. Anôk bruă anei ba wĭt hnư hrui wĭt ba čhĭ kơ ala tač êngao giăm 900 êklăk USD/thŭn. Khă snăn, hlăm brô 90% ênhă kphê mơ̆ng dŭm gŏ êsei ngă lŏ hma hnơ̆ng điêt kriê dlăng, ba mdah klei čiăng mkŏ wĭt bruă pla mjing, mđĭ hnơ̆ng tŭ jăk leh anăn klă mngač phŭn agha čiăng rơ̆ng klei dưi bi ktưn hlăm wăl anôk mnia mblei tar rŏng lăn.
Wưng thŭn 2021–2025, hluê Hdră Wăl anôk lăn mnga êa mak hơĭt kjăp, IDH bi hgŭm hŏng dŭm ƀĭng hgŭm pŏk ngă lu bruă ti Dak Lak, hŏng krĭng kphê mâo êbeh 91.500 ha leh anăn êbeh 75.000 gŏ êsei mnuih ƀuôn sang dưi dưn. Wưng thŭn 2026–2030, dua tĭng mđing truh mkŏ mjing krĭng kphê hơĭt kjăp thiăm hlăm brô 75.000 ha ti Dak Lak.
Viết bình luận