vPhung khua kiă kriê dua tĭng lŏ bi mklă klei ƀuăn rơ̆ng lŏ dơ̆ng bi êlam hĭn klei bi mjĕ Ƀĭng hgŭm phŭn kluôm dhuôm, hlăm anăn mâo bruă mtrŭt mđĭ klei duh bi liê hlăm klei mĭn mrâo Ƀăng jang tar rŏng lăn (Global Gateway) leh anăn Klei bi mjĕ ƀĭng hgŭm bi mlih êa pui êwa čuh mtah (JETP); mñă klă klei yuôm bhăn mơ̆ng bruă pŏk ngă djăp ênŭm Klei kuôl kă bruă mnia mblei êngiê Việt Nam - EU (EVFTA) leh anăn hnưm bi mklă Klei kuôl kă răng mgang klei duh bi liê Việt Nam - EU (EVIPA).

Dua tĭng ăt bi tŭ ư gĭr ktưn mđing truh mđĭ kyar klei bi hgŭm kơ mnơ̆ng dhơ̆ng phŭn yuôm bhăn; lŏ dơ̆ng mđĭ klei bi hgŭm hlăm dŭm bruă kdrăp mrâo leh anăn mlih mrâo hŏng klei mbruă, mtô mjuăt bi hriăm, bi mlih mtah, anôk bruă nah gŭ hdră êlan, bruă duh mkra kluôm leh anăn bruă duh mkra êa ksĭ mtah. Dua tĭng lŏ bi mklă klei ƀuăn rơ̆ng mtrŭt mđĭ leh anăn răng mgang klei dưi anak mnuih. Dua tĭng mñă klei yuôm bhăn leh anăn klei tŭ dưn mơ̆ng hdră lu tĭng leh anăn hdră bhiăn tar rŏng lăn. Khua gĭt gai Êpul hgŭm Ơrôp António Costa leh anăn Khua gĭt gai Êpul hgŭm Ơrôp Ursula von der Leyen bi mni kơ bruă klam mkŏ mjing mơ̆ng Việt Nam hlăm ASEAN. Khua gĭt gai dua tĭng bi êdah klei čang hmăng kơ Klei bi kƀĭn gưl dlông bi hdơr 50 thŭn mkŏ mjing klei bi mjĕ ASEAN - EU hlăm thŭn 2027./.