Hluê si klei hưn mdah, klei đĭ kyar bruă duh mkra 9 mlan thŭn 2026 mơ̆ng čar Quảng Trị mâo êbeh 8.4%, hrui wĭt ngăn prăk giăm 9.200 êklai prăk. Blŭ hrăm klah čŭn, K'iăng khua knŭk kna Lê Tiến Châu bi êdah tlâo klei dleh dlan prŏng, mâo klei đĭ kyar ka djăp hdră kčah, boh kdrŭt mđĭ kyar dôk knang kơ dŭm hdră bruă pui kmlă prŏng leh anăn hnơ̆ng tla prăk duh bi liê knŭk kna adôk êmưt.

K'iăng khua knŭk kna mtă kơ čar mđing hluê ngă 8 bruă klam phŭn, hlăm anăn bi mklă bruă brei čan duh bi liê knŭk kna jing bruă kđi čar; ruh mtlaih klei gun kpăk dŭm hdră bruă dôk mâo; mđĭ lar klei găl êa pui êwa čuh, kdrŭn ksĭ, ƀăng jang knông lăn leh anăn ktuê êlan duh mkra Ngŏ - Yŭ; hnưm bi leh hdră bruă Wăl duh mkra mnia mblei găn knông lăn Lao Bảo - Densavan leh anăn mđĭ kyar wăl krah Cồn Cỏ. Mbĭt anăn, čar čiăng mđĭ hnơ̆ng tŭ jăk bruă mtô bi hriăm leh mkŏ dăp anôk bruă sang hră mơar.