Ti anôk bi kƀĭn, phung bi ala mđing hmư̆ klei hưn mdah klah čŭn, bi trông leh anăn đru mguôp hlăm dŭm mta phŭn prŏng, mâo: Hưn mdah boh tŭ dưn bruă ngă plah wah dua Klei bi kƀĭn; Hưn mdah boh sĭt pŏk ngă 02 Hdră bruă (Ksiêm wĭt 100 thŭn Đảng gĭt gai cách mạng Việt Nam wưng thŭn 1930 - 2030, tă hdră gĭt gai mđĭ kyar lăn čar hlăm 100 thŭn kơ anăp mơ̆ng thŭn 2030 truh kơ thŭn 2130, leh anăn Ksiêm wĭt 40 thŭn hluê ngă Hdră mtrŭn mkŏ mjing lăn čar hlăm ênuk kpưn đĭ kơ yang ƀuôn ngă phŭn); Hưn mdah klei đru mguôp kơ hdră êlan mđĭ kyar Việt Nam; Hdră mkŏ mjing Klei bi kƀĭn bruă klei mrâo kluôm ala tal sa leh anăn Hdră mkŏ mjing leh anăn mđĭ kyar êpul ksiêm duah klei kreh knhâo kđi čar kluôm ala hlăm ênuk gưl mrâo.

Klei bi kƀĭn mñă klă, dŭm hdră ksiêm wĭt jing bruă kđi čar, klei kreh knhâo yuôm bhăn mâo boh tŭ yuôm hdră êlan, brei pŏk ngă mđrăm mbĭt, djŏ wưng kčah, rơ̆ng hnơ̆ng tŭ jăk, ngă tur knơ̆ng klei kreh knhâo leh anăn boh sĭt kơ bruă mbŏ, mđĭ kyar hdră êlan mơ̆ng Đảng.