Êpul gơ̆ng bruă ƀuôn sang čar Dak Lak gưl XI mrâo bi mklă Hdră mtrŭn kčah hdră mtrŭn iêô jak, đru mjuăt bi hriăm, mđĭ kyar mnuih mă bruă wưng thŭn 2026–2031. Ênoh đru tal êlâo lu hĭn truh 2 êklai prăk hŏng phung nai prĭn dưi iêô jak hriê mă bruă ti alŭ wăl. Hdră mtrŭn mđing iêô jak mnuih mă bruă hnơ̆ng tŭ jăk hlăm 12 mta bruă phŭn, mâo bruă lŏ hma ba yua kdrăp mrâo, bruă tuh tia mkra mjing, pui kmlă doh, logistics, hiu čhưn ênguê, mtô bi hriăm, ngăn prăk, kreh knhâo kdrăp mrâo, mlih mrâo mbruă leh anăn mlih mrô.

Bi hŏng mnuih dưi ruah mă, tŭ mă mŭt ngă bruă knŭk kna, mnuih mă bruă leh anăn ƀuăn rơ̆ng bruă knuă ƀiă êdi 7 thŭn, hnơ̆ng đru sa blư̆ tal êlâo dưi čoh čuăn mơ̆ng 500 êklăk prăk hŏng mnuih mâo hră hriăm gưl prŏng, 700 êklăk prăk hŏng nai prŏng, 1 êklai prăk hŏng nai prĭn, 1.5 êklai prăk hŏng k’iăng nai prŏng hĭn leh anăn 2 êklai prăk hŏng nai prĭn hĭn. Trương Ngọc Tuấn, Khua knơ̆ng bruă kiă kriê bruă knuă Dak Lak brei thâo hdră êlan dưi čang hmăng đru mguôp mđĭ hnơ̆ng jăk mnuih mă bruă, mkăp djŏ hŏng klei čiăng mđĭ kyar bruă duh mkra - ala ƀuôn mơ̆ng čar Dak Lak hlăm wưng mrâo.