Blŭ hrăm ti anôk bi tuôm, Khua gĭt gai Đảng, Khua lăn čar Tô Lâm bi êdah klei mơak bi tuôm hŏng phung mnia mblei êdah kdlưn, bi ala kơ êpul êya phung mnia mblei Việt Nam. Bi ala kơ khua gĭt gai Đảng, Knŭk kna, Khua gĭt gai Đảng, Khua lăn čar mơĭt kơ phung mnia mblei hlăm ala čar, ti ala tač êngao leh anăn phung duh bi liê ala tač êngao dôk hrăm mbĭt hŏng Việt Nam klei êmuh hrăm jĕ giăm, klei hơêč hmưi jăk siam hĭn.

Khua gĭt gai Đảng, Khua lăn čar mñă klă, Đảng, Knŭk kna mpŭ kơ klei duh myơr, răng mgang klei dưi leh anăn boh tŭ dưn djŏ hdră bhiăn, mjing klei găl čiăng kơ phung duh mkra mđĭ lar klei thâo, ngă mdrŏng hŏng klei djŏ. Khua gĭt gai Đảng, Khua lăn čar čang hmăng phung duh mkra rông ba ai tiê prŏng, kjăp ai tiê mkŏ mjing anôk bruă duh mkra, anăn knăl hŏng hnơ̆ng jăk, klei thâo lehanăn klei đăo knang, ba wĭt klei ktưn hưn kơ Việt Nam. Truh thŭn 2045, hlăk lăn čar bŏ sa êtuh thŭn êngiê, drei čang hmăng ktưn hưn kơ sa Việt Nam đĭ kyar, hŏng dŭm anôk bruă duh mkra kjăp ktang.