Thŭn 2026, Dak Lak mâo 5 hdră bruă ODA dôk pŏk ngă, hŏng ênoh bi liê êbeh 2.836 êklai prăk. Hdră kčah ngăn prăk ala tač êngao dưi jao hlăm thŭn giăm 704 êklai prăk, mâo mbha leh 100% kơ dŭm hdră bruă. Ƀiădah, truh hruê 30/9, ênoh prăk bi liê knŏng mâo giăm 174 êklai prăk, jing giăm 25% hdră kčah.

Wưng thŭn 2026-2030, Dak Lak tă hdră mđing iêo mkrum prăk ODA leh anăn prăk čan hŏng ênoh prăk mnga hdjul mơ̆ng ala tač êngao kơ dŭm hdră bruă êlan klông mkŏ plah wah dŭm krĭng, knơ̆ng kdơ̆ng êa, wăl hdĭp mda, mdrơ̆ng hŏng klei bi mlih yan adiê leh anăn mđĭ kyar ƀuôn prŏng. Čiăng mâo boh tŭ dưn lar bra mơ̆ng prăk ODA, K'iăng khua knơ̆ng bruă sang čư̆ êa čar Dak Lak Nguyễn Thiên Văn mtă kơ bruă iêo mkrum brei mâo mta phŭn, mta kñăm, djŏ guôp hŏng klei čiăng mđĭ kyar mơ̆ng alŭ wăl lehanăn hdră tă mơ̆ng phung đru.