VOV.Êđê- Mkŏ dăp, bi khuăt anôk bruă jing hdră êlan prŏng mơ̆ng Đảng leh anăn Knŭk kna, kñăm mkŏ mjing bruă knŭk kna tŭ dưn, mjing boh kdrŭt leh anăn ai dưi mrâo kơ lăn čar đĭ kyar hlăm ênuk kpưn đĭ. Ti Dak Lak, hdră mkŏ dăp dôk ƀrư̆ ƀrư̆ mkŏ mjing dŭm gru hmô sang hră mrâo, ƀiădah boh sĭt ăt ba lu klei lông dlăng kơ hdră kriê dlăng, mnuih mă bruă, anôk bruă nah gŭ, hdră mtô bi hriăm leh anăn rơ̆ng klei găl hriăm hră kơ phung hđeh ti dŭm anôk bruă sang hră. Msir mghaih djŏ guôp dŭm boh klei kbiă hriê mơ̆ng boh sĭt jing klei čiăng kơ anôk bruă mtô bi hriăm Dak Lak mdrơ̆ng, mlih mrâo leh anăn ngă djŏ klei čiăng mđĭ kyar hlăm ênuk gưl mrâo.

VOV.Êđê- Hlăm "Hdră bruă 500 hruê mlam", Êpul K51, Knơ̆ng gĭt gai lĭng kahan čar Dak Lak bi hgŭm hŏng dŭm êpul bruă djŏ tuôm hlăm ala čar leh anăn ala čar Campuchia, mkŏ mjing klei tui duah, bi kƀĭn mâo 36 klang lĭng kahan djiê êngiă.

VOV.Êđê- Hruê mbruê 1/10, ti anôk bruă Đảng gưl dlông, Khua gĭt gai Đảng, Khua lăn čar Tô Lâm mă bruă hŏng Anôk bruă hâo hưn mtô mblang gưl dlông leh anăn dŭm anôk bruă djŏ tuôm kơ boh klei klei mĭn, ai tiê yang ƀuôn leh anăn bruă mđĭ lar ai ktang kluôm mơ̆ng dŭm anôk bruă hâo hưn mtô mblang.

VOV.Êđê- Tlam 1/10, ti gŭ klei gĭt gai mơ̆ng Khua bruă kƀĭn ala Trần Thanh Mẫn, Dhar bruă gĭt gai bruă kƀĭn ala pŏk leh Klei bi kƀĭn tal 7.

VOV.Êđê- Hruê mbruê 1/10, ti ƀuôn prŏng Đà Nẵng, Khua bruă kƀĭn ala Trần Thanh Mẫn nao ti Knăm bi hdơr 150 thŭn Hruê kkiêng kơ Huỳnh Thúc Kháng (1/10/1876 - 1/10/2026), pô mda asei, mnuih khăp kơ lăn čar, jhŏng ktang, mnuih dhar kreh prŏng, gru mngač kơ knhuah hdĭp, Khua phŭn bruă kđi čar Việt Nam Dân chủ Cộng hòa.

VOV.Êđê- - Hruê mbruê 1/10, ti Anôk bruă knŭk kna, Khua hlăm bruă Đảng, Khua knŭk kna Lê Minh Hưng gĭt gai Klei bi kƀĭn ksiêm wĭt, dăp hnơ̆ng tŭ jăk Gưl III thŭn 2026 hŏng phung Khua hlăm Anôk bruă Đảng Knŭk kna lehanăn ksiêm dlăng, bi mklă hnơ̆ng hŏng phung khua gĭt gai, kriê dlăng hlăm klei dưi.

VOV.Êđê- Hruê 30/9, Êpul gơ̆ng bruă ƀuôn sang čar Gia Lai bi mklă leh Hdră mtrŭn kčah hdră đru 200 êklăk prăk kơ grăp gưl phiơr charter ala tač êngao (gưl phiơr mưn kluôm) trŭn ti tač êdeh phiơr Phù Cát wưng thŭn 2026-2027.

VOV.Êđê- Tlam hruê 30/9, ti Hà Nội, Khua gĭt gai Đảng, Khua lăn čar Tô Lâm nao lehanăn blŭ hrăm gĭt gai Klei bi kƀĭn bruă Đảng kahan ksiêm gưl dlông Gưl III thŭn 2026.

VOV.Êđê- Čiăng dưi mâo mta kñăm đĭ kyar 2 ênoh mrô, gưl IV Dak Lak čiăng gĭr ktưn đĭ kyar mâo êbeh 13%.

VOV.Êđê- Hruê mbruê 30/9, ti Hà Nội, Knơ̆ng gĭt gai lĭng kahan gưl dlông wưng thŭn 2025 - 2030 mkŏ mjing Klei bi kƀĭn tal tlâo.