VOV.Êđê- Tlam (28/09), ti Anôk bruă knŭk kna, Gĭt gai klei bi kƀĭn Anôk bruă gĭt gai gưl dlông kơ hdră mđĭ kyar klei kreh knhâo, mrâo mrang leh anăn bi mlih mrô, Khua knŭk kna Lê Minh Hưng mñă klă bruă bi mlih mta kñăm mơ̆ng Knŭk kna mrô jing mtrŭt mđĭ bruă duh mkra mrô leh anăn yang ƀuôn mrô, boh nik hnơ̆ng bruă duh mkra mrô hlăm GDP.

VOV.Êđê- Ti alŭ Tân Hạ, să Tà Năng, čar Lâm Đồng, aduôn Cil K’Hạnh (djuê ana K’ho) jing Kiăng khua bruă Đảng - Khua alŭ jhŏng ktang leh anăn jĕ giăm hŏng mnuih ƀuôn sang. Giăm 17 thŭn ngă bruă ti nah gŭ; mơ̆ng knuă druh mdrao mgŭn alŭ ƀuôn truh kơ Khua alŭ, ñu jĕ giăm nanao hŏng mnuih ƀuôn sang. Boh nik, mơ̆ng leh bi mŭt alŭ mrâo, ñu mkŏ mjing dŭm hdră bruă klă sĭt, đru mđĭ klei hdĭp mnuih ƀuôn sang, mkŏ mkra ƀuôn sang mdrŏng siam.

VOV.Êđê- Hruê mbruê 28/9, gĭt gai Klei bi kƀĭn Anôk bruă gĭt gai Knŭk kna kơ bruă hiu čhưn ênguê, Khua hlăm Anôk bruă Đảng gưl dlông, K'iăng Khua knŭk kna Phạm Thị Thanh Trà mtă thŭn 2027, grăp alŭ wăl brei mâo ƀiă êdi sa mta mnơ̆ng dhơ̆ng hiu čhưn ênguê phŭn, mdê hjăn, êdah êdi.

VOV.Êđê- Hruê mbruê 28/9, Khua gĭt gai Đảng, Khua lăn čar Tô Lâm gĭt gai klei bi kƀĭn mlan 9 mơ̆ng Anôk bruă gĭt gai gưl dlông kơ bruă bi leh klei bhiăn leh anăn hluê ngă hdră bhiăn.

VOV.Êđê- Leh mkŏ dăp, čar Gia Lai hrŏ mơ̆ng 2.693 trŭn adôk 1.400 alŭ, ƀuôn, êpul mnuih ƀuôn sang. Alŭ wăl prŏng hĭn, ênoh mnuih lu hĭn mdưm klei čiăng mrâo hŏng khua alŭ, khua ƀuôn. Boh sĭt brei ƀuh, leh mkŏ dăp, êpul anei ƀrư̆ ƀrư̆ dưi bi mklă dưn yua kdrăp mrâo čiăng lŏ jĕ giăm mnuih ƀuôn sang, thâo săng mnuih ƀuôn sang, mkŏ tŭ dưn plah wah bruă sang čư̆ êa hŏng mnuih ƀuôn sang.

VOV.Êđê- Hruê mbruê 28/9, ti Sang bruă kƀĭn ala, Dhar bruă gĭt gai bruă kƀĭn ala mkŏ mjing Klei bi kƀĭn phung bi ala bruă kƀĭn ala ngă bruă thơ̆ng tal sa, gưl XVI. Khua bruă kƀĭn ala Trần Thanh Mẫn gĭt gai klei bi kƀĭn.

VOV.Êđê- Việt Nam dôk mŭt hlăm wưng đĭ kyar mrâo hŏng klei čiăng ƀrư̆ hruê ƀrư̆ lu kơ anôk bruă nah gŭ, kdrăp mrâo, bi mlih mrô leh anăn hnơ̆ng tŭ jăk klei hdĭp. Klei kƀĭn trông kreh knhâo "Mđĭ kyar pui kmlă hạt nhân kyua klei đĭ kyar mtah leh anăn klei êđăp ênang pui kmlă ala čar" mrâo mkŏ mjing ti Khánh Hòa mđing kơ dŭm boh klei phŭn msĕ si kdrăp mrâo, klei êđăp ênang, mnuih mă bruă leh anăn dŭm klei găl čiăng kơ Việt Nam pŏk ngă pui kmlă hạt nhân.

VOV.Êđê- Leh mkŏ dăp, čar Khánh Hòa hrŏ 2/3 ênoh anôk bruă mtô bi hriăm knŭk kna, ară anei adôk 246 anôk bruă. Lu sang hră dưi mkŏ mjing hluê gru hmô hnơ̆ng prŏng, ba mdah klei čiăng mrâo kơ bruă kriê dlăng, mkăp mnuih mă bruă leh anăn ba yua ai dưi. Mŭt hlăm thŭn hriăm mrâo, hdră mtô bi hriăm phŭn hơĭt kjăp, dŭm sang hră dôk ƀrư̆ ƀrư̆ mdrơ̆ng hŏng gru hmô kriê dlăng mrâo.

VOV.Êđê- Ƀri wưng Knăm mơak mlan pur thŭn 2026, khua gĭt gai Đảng, Knŭk kna nao čuă, mđup brei mnơ̆ng kơ phung hđeh mâo klei hdĭp dleh dlan.

VOV.Êđê- Ti anăp adiê hjan nanao, Anôk bruă sang čư̆ êa čar Lâm Đồng hưn brei răng ti lu alŭ wăl hlăm čar mâo klei huĭ hyưt mâo klei klưh hroh hlăm dŭm hnoh krông, hnoh êa điêt, klưh hroh, klưh lăn ti dlông čư̆, êlan kčŭn čư̆, ta luy dŭm ktuê êlan dơ̆ng.