Kluôm čar mâo 41 boh sang mâo mdơ̆ng mrâo, hlăm anăn kahan ksiêm đru mdơ̆ng truh 27 boh sang, lehanăn truh jih hrue 7/1/2026 mâo bi leh , jao leh ênŭm 100% kơ mnuih ƀuôn sang. Hlăm klei dôk rŭ mdơ̆ng kahan ksiêm čar mâo đru mguôp leh truh 33.620 hrue ai mă bruă, hjăn kahan ksiêm knhăk lehanăn kahan răng mgang klei êđăp ênang hlăm alŭ wăl mâo đru mguôp truh 1.200 hrue ai mă bruă, lu kahan ksiêm mă bruă hrue mlam.

Mbĭt hŏng klei phŭn bruă kahan ksiêm đru prăk, kahan ksiêm čar iêo mkrum leh hlăm yang ƀuôn mâo êbeh 622 êklăk prăk mbĭt hŏng lu mnơ̆ng rŭ mdơ̆ng. Blŭ hrăm ti anôk bi kƀĭn, Thiếu tướng Trương Minh Đương, Khua knơ̆ng bruă kahan ksiêm čar Lâm Đồng bi mklă bruă đru rŭ mdơ̆ng sang anei mâo leh klei tŭ dưn, đru kơ mnuih ƀuôn sang êjai dôk hlăm klei dleh dlan “Êjai mnuih ƀuôn sang čiăng, êjai mnuih ƀuôn sang dleh tinăn mâo kahan ksiêm”./.