VOV.Êđê- Aguah mbrue (15/07), Khua knŭk kna Lê Minh Hưng mă bruă hŏng Anôk dlăng bruă Đảng čar Lạng Sơn kơ klei hlue ngă bruă duh mkra ala ƀuôn 6 mlan akŏ thŭn, leh anăn hdră êlan hlue nga bruă kơ anăp.

VOV.Êđê- Knơ̆ng bruă sang čư̆ êa čar Khánh Hòa mkŏ mjing Klei bi kƀĭn mtrŭt mđĭ hdră duh bi liê hlăm kdrŭn ksĭ, kdrŭn mjưh leh anăn anôk bruă logistics hŏng klei hgŭm mơ̆ng phung khua kiă kriê dŭm phŭn, dhar bruă gưl dlông, phung thơ̆ng kơ bruă, anôk duh mkra leh anăn phung duh bi liê hlăm ala čar, ala tač êngao.

VOV.Êđê- Tlam mbrue (14/07) ti ƀuôn hgŭm Việt Trì, Khua knŭk kna Lê Minh Hưng kiă kriê leh mmông mă bruă hŏng Êpul khua kiă kriê bruă Đảng čar Phú Thọ kơ klei hlue ngă bruă čuăn mđĭ kyar klei duh mkra ala ƀuôn leh anăn mta kñăm mđĭ bi lar dua ênoh mrô".

VOV.Êđê- Mbĭt hŏng bruă rŭ mdơ̆ng êlan dơ̆ng êran pral Quy Nhơn - Pleiku, čar Gia Lai dôk kƀĭn bi leh 9 wăl anôk dôk ktuê êlan čiăng jao lăn kơ mnuih ƀuôn sang hlăm mlan 7. Bruă mđĭ hnơ̆ng amâo djŏ knŏng đru kơ dŭm gŏ êsei mnuih ƀuôñ sang hnưm hơĭt klei hdĭp mda ôh ƀiădah lŏ ruh mgaih anôk ala, mjing klei găl čiăng kơ hdră bruă phŭn ala čar pŏk ngă hrăm mbĭt, djŏ hdră kčah.

VOV.Êđê- Sa anôk klưh hroh lăn huĭ hyưt ti kčŭn čư̆ Prenn- Êlan dơ̆ng prŏng mrô 20, ƀăng jang nah Dhŭng hlăm wăl krah Đà Lạt, čar Lâm Đồng dôk mâo anôk bruă djŏ tuôm msir mghaih čiăng gang mkhư̆ klei klưh hroh hlăm yan hjan êa lip.

VOV.Êđê- Ƀri wưng bi hdơr 79 thŭn hruê phung kahan êka êkeh–phung êngiă asei, aguah (14/7) ti wăl msat phung djiê êngiă ti čar Lào Cai, Êpul mă bruă Gưl dlông mâo Khua knŭk kna Lê Minh Hưng ngă Khua êpul nao myơr brui mngưi, mnga bi hdơr kơ phung kahan jhŏng ktang djiê êngiă.

VOV.Êđê- Blŭ hrăm gĭt gai Klei bi kƀĭn tal 2 Anôk bruă gĭt gai gưl dlông kơ hdră mđĭ kyar dhar kreh Việt Nam, Khua gĭt gai Đảng, Khua lăn čar Tô Lâm sa blư̆ dơ̆ng mñă klă klei mĭn gĭt gai, mta kñăm, hnơ̆ng trah dlăng leh anăn klei čang hmăng đĭ kyar dưi bi mklă hlăm Hdră mtrŭn mrô 80 mơ̆ng Phŭn bruă kđi čar.

VOV.Êđê- Tlam mbrue (14/07), ti Anôk bruă Đảng gưl dlông, Khua gĭt gai Đảng, Khua lăn čar Tô Lâm kiă kriê leh mmông mă bruă hŏng dŭm anôk bruă djŏ tuôm kơ Hdră êlan mđĭ kyar bruă duh mkra êa ksĭ ala čar.

VOV.Êđê- Hruê 13/7, Knơ̆ng bruă sang čư̆ êa čar Dak Lak mkŏ mjing Klei bi kƀĭn ksiêm wĭt boh klei hluê ngă bruă klam mđĭ kyar hdră duh mkra–ala ƀuôn, rơ̆ng hdră lĭng kahan-răng mgang klei êđăp ênang.

VOV.Êđê- Tlam mbruê 13/7, ti Hà Nội, Khua gĭt gai Đảng, Khua Lăn čar Tô Lâm nao čhưn leh anăn mă bruă ti Anôk bruă kiă kriê sang mnă, Anôk bi hriăm mgô̆, sang hră bi hriăm, Phŭn bruă kahan ksiêm.