Blŭ hrăm jao bruă klam, Đào Mỹ, K'iăng khua knơ̆ng bruă sang čư̆ êa čar, Khua Anôk bruă gĭt gai 515 čar Dak Lak, mtă kơ Êpul K51 krơ̆ng kjăp klei mĭn bruă kđi čar, hluê ngă kjăp klei bhiăn lĭng kahan, klei bhiăn êđăp ênang leh anăn klei bhiăn ala čar Campuchia; mbĭt anăn čŏng pô bi hgŭm hŏng êpul bruă djŏ tuôm leh anăn bruă sang čư̆ êa ala čar ƀĭng găp hlăm hdră hluê ngă bruă klam.

Khua gĭt gai čar Dak Lak ăt mtă kơ anôk bruă ngă bi jăk bruă hŏng tač êngao bruă lĭng kahan, bruă čung ba mnuih ƀuôn sang, đru bi kjăp klei mjĕ giăm, bi hgŭm knhuah gru Việt Nam - Campuchia. Bi ala kơ êpul K51 bi mklă klei gĭr msir mghaih klei dleh dlan, mkŏ mjing klei tui duah kreh knhâo, kjăp, êđăp ênang, ba wĭt thiăm klang kleh lĭng kahan djiê êngiă kơ čar kwar.