Khua gĭt gai Đảng, Khua lăn čar brei thâo, gưl ksiêm dlăng, ktuê dlăng tal anei nao êlam hlăm bruă knuă druh leh anăn bruă hluê ngă dŭm hdră mtrŭn, hdră êlan mơ̆ng Gưl dlông, Phŭn bruă kđi čar mơ̆ng akŏ thŭn 2025 truh kơ ară anei. Hưn mdah boh tŭ bruă ngă bi êdah klă klei gĭr mơ̆ng anôk bruă leh anăn phung knuă druh. Khua gĭt gai Đảng, Khua lăn čar Tô Lâm mñă klă, lăn čar mŭt hlăm wưng đĭ kyar mrâo, brei bi leh klei bhiăn pral hĭn, mđrăm mbĭt hĭn, djŏ hŏng boh sĭt hĭn.

Bruă kƀĭn ala brei rơ̆ng kjăp klei bhiăn, ksiêm dlăng kjăp klei dưi, lŏ mkŏ mjing wăl mlih mrâo mbruă, mtlaih êngiê ai dưi leh anăn bi lar djăp klei găl mâo. Mơ̆ng boh tŭ ksiêm dlăng, Khua gĭt gai Đảng, Khua lăn čar mtă kơ Anôk dlăng bruă Đảng Bruă kƀĭn ala mđing gĭt gai, ktrâo lač 6 bruă klam, hdră msir phŭn. Knuă druh đru kčĕ mkŏ mjing hdră bhiăn, čih mkra hdră mtrŭn brei hluê ngă lu hĭn hŏng boh sĭt kriê dlăng alŭ wăl, mkra mjing, mnia mblei leh anăn klei hdĭp mnuih ƀuôn sang.