VOV.Êđê- Ti Anôk bruă khua lăn čar, K’iăng khua lăn čar Võ Thị Ánh Xuân bi tuôm leh hŏng phung bi ala jing khua bruă công đoàn kdlưn hĭn hlăm klei bi blŭ hrăm mơ̆ng êpul êya hlăm thŭn 2026.

VOV.Êđê- Knơ̆ng bruă sang čư̆ êa čar Daklak mrâo mâo leh klei akâo bi mlih mmông mă bruă hlăm čar.

VOV.Êđê- Čar Lâm Đồng klă klơ̆ng ba yua leh 3 kdrăp mrô kñăm mđĭ hĭn klei tŭ dưn bruă knuă hlăm klei kiă kriê knuă druh, mnuih mă bruă, đru mđĭ hĭn bruă bi mlih mrô hlăm čar.

VOV.Êđê- Kluôm čar Dak Lak ară anei mâo giăm 62 êbâo čô mă bruă hlăm êpul mă bruă. Hlăm dŭm thŭn êgao, hdră bi lông ktưn mă bruă mkra mjing dưi pŏk ngă êlam, iêo jak klei mđing uêñ mơ̆ng phung hgŭm, mơ̆ng anăn dŭm êbâo klei mĭn mbruă, mkra mđĭ hdră mnêč ba yua hlăm boh sĭt, đru mđĭ klei tŭ dưn mkra mjing, mnia blei.

VOV.Êđê- Hlăm 2 klei bi blah ƀi kdơ̆ng hŏng Prăng leh anăn Mi, să Gào, čar Gia Lai hŏng dliê kmrơ̆ng, čư̆ čhiăng dleh găn êrô, jing krĭng krŭ kdơ̆ng (hŏng anăn pia Krĭng 9). Êpul kahan leh anăn mnuih ƀuôn sang tinei mâo leh klei tŭ dưi prŏng prĭn, đru mtlaih êngiê kwar Dhŭng, hluh lir lăn čar, 2 blư̆ mâo Knŭk kna mđup brei anăn knăl. Êbeh 50 thŭn mtlaih êngiê, dŭm kdrăn dliê yuôm bhăn să Gào hlăk đưm lŏ dơ̆ng dưi răng mgang kjăp, mkăp êa krih kơ dŭm mta ana pla mjing, đru kơ mnuih ƀuôn sang mđĭ kyar klei hdĭp mda.

VOV.Êđê- Ƀri wưng bi hdơr 51 thŭn hruê Mtlaih êngiê kwar Dhŭng, hluh hlir lăn čar, ti ƀuôn prŏng Hồ Chí Minh, Khua gĭt gai Đảng, Khua Lăn čar Tô Lâm mbĭt hŏng êpul ngă bruă nao myơr brui mngưi, bi hdơr kơ phung khua gĭt gai hđăp, bi êdah hdră bhiăn “Mnăm êa hdơr hnoh” leh anăn bi hdơr dŭm klei đru mguôp prŏng prĭn hŏng bruă krŭ kdơ̆ng mơ̆ng djuê ana.

VOV.Êđê- Hlăm ai êwa lăn čar mđing truh bi hdơr 51 thŭn hruê Mtlaih êngiê kwar Dhŭng, hluh hlir lăn čar, sa klei bi tuôm mgai ai tiê mrâo mkŏ mjing ti ƀuôn prŏng Thủ Dầu Một, ƀuôn prŏng Hồ Chí Minh. Gưl tal êlâo, phung mniê lĭng kahan hlăm 5 êpul mnah knong čar Thủ Dầu Một hlăm ênuk mblah Mi dưi truh hlăm mmông bi tuôm.

VOV.Êđê- Bi hdơr 51 thŭn Hruê mtlaih êngiê kwar Dhŭng, hluh hlir lăn čar, lu alŭ wăl ti Lăn Dap Kngư mkŏ mjing dŭm mta bruă dhar kreh, klei kdŏ mmuñ, lŏ bi êdah hƀuê ênuk kdrưh kơăm, bi mni kơ klei bi mguôp djuê ana.

VOV.Êđê- Tlam mbruê (28/04) ti ƀuôn prŏng Hải Phòng, Khua knŭk kna Lê Minh Hưng lehanăn Êpul bi ala bruă kƀĭn ala ƀuôn prŏng Hải Phòng mkŏ mjing klei bi tuôm hŏng mnuih ƀuôn sang leh Klei bi kƀĭn tal sa, Anôk bruă kƀĭn ala gưl XVI.

VOV.Êđê- Kñăm ruh mtlaih dŭm klei gun kpăk, pŏk êlan kơ hdră duh mkra ktuê hang ksĭ đĭ kyar, tlam hruê 28/4, Khua knơ̆ng bruă sang čư̆ êa čar Dak Lak Đỗ Hữu Huy mă leh bruă hŏng dŭm alŭ wăl ktuê hang ksĭ nah Ngŏ.